د پنجشیر ولایت له پېښو سره د مبارزې آمادګۍ ریاست د واورې ښویېدنې او د ډبرې نړېدو له امله د شهیدانو ورثه او ټپیانو ته خوراکي، غیرخوراکي او نغدي مرستې ووېشلې

له پېښو سره د مبارزې آمادګۍ ملي ادارې د سرپرست الحاج ملا نورالدین ترابي په لارښوونه، د پنجشیر ولایت له پېښو سره د مبارزې آمادګۍ ریاست له لوري، د تېرو اوو ورځو په ترڅ کې په دره، حصه اول او پریان ولسوالیو کې د واورې ښویېدنې او د (سنگغیل) ډبرې نړېدو له امله د ۷ شهیدانو ورثه او ۵ ټپيانو ته خوراکي، غیرخوراکي او نغدي مرستې ووېشل شوې.

په دې پروسه کې، د مسوولینو په شتون کې، د ۷ شهیدانو هر وارث ته ۲۰,۰۰۰ افغانۍ نغدي پیسې او ۲ بورۍ ۵۰ کیلویي اوړه، ۲ بورۍ ۲۵ کیلویي وریجې، ۶ تخته کمپلې، د ژمي جامو یوه بسته، د حفظ‌ الصحې یوه بسته، یو پایه چپرکټ، او د صابون یوه کارټن ووېشل شول. همداراز، ۵ ټپيانو هر یو ته ۱۰,۰۰۰ افغانۍ نغدي پیسې ورکړل شوې.
د یادونې وړ ده چې د ولایت مقام له لوري هم، د حصه‌اول ولسوالۍ د واورې ښویدنې له امله د ۲ شهیدانو ورثه، هر یو ته ۲۰,۰۰۰ افغانۍ نغدي مرسته ورکړل شوه.

نېټه:۱۴۴۶/۹/۸
له پېښو سره د مبارزې آمادګۍ ملي اداره