د پکتیکا ولایت له پېښو سره د مبارزې آمادګۍ ریاست ۴۳ مستحقو کورنیو ته نغدې, خوراکي او غیرخوراکي مرستې ووېشلې
د پکتیکا ولایت له پېښو سره د مبارزې آمادګۍ ریاست, د RHWO, UNICEF او د IOM سازمانونو په مالي ملاتړ, د دې ولایت اړوند 43 مستحقو کورنیو ته له سروې وروسته نغدې, خوراکي او غیرخوراکي مرستې ووېشلې.
په دې بهیر کې هرې کورنۍ ته د مسؤلینو په شتون کې, د UNICEF سازمان له لوري یو عدد هایجن کېټ, یو فامیلي کېټ, د ژمنۍ البسې یو کېټ, د RHWO موسسې له لوري چې د پروژې تمویل کوونکی یې د خوړو نړیوال پروګرام(WFP) دی هرې کورنۍ ته 200 کیلو اوړه, 2 کیلو مالګه, 18.2 کیلو غوړي, 25 کیلو دال, 1.5 کیلو د ماشومانو لپاره مغذي مواد او د IOM سازمان له لوري هرې کورنۍ ته 8,500 افغانۍ نغدې پیسې ووېشل شوې. چې د نغدو پیسو اندازه ټولټال درې سوه او پنځه شپېته زره او پنځه سوه (365,500) افغانۍ کېږي.
نېټه: ۱۴۴۷/۰۸/۱۷ هـ ق
له پېښوسره د مبارزې امادګۍ ملي اداره
