د پکتیکا په شکین ولسوالۍ کې ۲۸ ماینونو او ناچاوده توکي کشف او خنثی کړل شول
د پکتیکا ولایت له پیښو سره د مبارزې آمادګۍ ریاست د ماین پاکۍ د نړیوالې هیلو ټرسټ موسسې د تخنیکي ټیم په ملاتړ، د دې ولایت د شکین ولسوالۍ په شمس الدین چیني کلي کې، ۲۸ مختلف ډوله ناچاودې توکي وپیژندل او په خوندي ډول یې خنثی کړل.
دا ناچاوده توکي، چې د تیرو جګړو څخه پاتې وو، د کارونې وړ نه وو مګر د سیمې د اوسیدونکو لپاره یو جدي ګواښ ګڼل کېده. د هیلو ټرسټ تخنیکي ټیم دا مواد په خوندي ډول تخریب او له منځه یوړل، چې په پایله کې یې د سیمې اوسېدونکي له احتمالي خطر څخه خوندي شول.
نیټه: ۱۴۴۷/۰۳/۱۵ هـ ق
له پېښو سره د مبارزې آمادګۍ ملي اداره
