د کابل ولایت له پېښو سره د مبارزې آمادګۍ ریاست ۸۸ زیانمنو کورنیو ته نغدي، خوراکي او غیرخوراکي مرستې ووېشلې
د کابل ولایت له پېښو سره د مبارزې آمادګۍ ریاست د کډوالۍ نړیوال سازمان (IOM)، د خوړو نړیوال پروګرام (WFP)، د ماشومانو د ملاتړ او SI مؤسسو په مالي ملاتړ، د سروبي ولسوالۍ ۸۸ هغو کورنیو ته چې د وروستیو بارانونو او سېلابونو له امله زیانمنې شوې وې، نغدي، خوراکي او غیرخوراکي مرستې ووېشلې.
د مرستو د وېش په دې بهیر کې هرې کورنۍ ته د IOM سازمان له لوري ۲۲ قلمه بېلابېل غیرخوراکي توکي، ۳ تختې کمپلې، د ماشومانو د ملاتړ موسسې لخوا هرې کورنۍ ته یوه روغتیایي بسته، د SI موسسې له لوري هرې کورنۍ ته ۵۴۰۰ افغانۍ او د WFP سازمان لخوا هرې کورنۍ ته ۵۸۰۰ افغانۍ ووېشل شوې.
په پای کې، د مرستو ترلاسه کوونکو کورنیو د کابل ولایت له پېښو سره د مبارزې آمادګۍ ریاست او همکارو مؤسسو څخه د مرستو په پار مننه او قدردانی وکړ.
نېټه:۱۴۴۷/۱۱/۵ هـ ق
له پېښو سره د مبارزې آمادګۍ اداره
