د کابل ولایت په خاکجبار ولسوالۍ کې ۲،۹۳۵،۸۱۶ متر مربع ځمکه له ماینونو او ناچاوده توکو څخه پاکه شوه
له پېښو سره د مبارزې آمادګۍ ملي ادارې او د ډافا ماین پاکي موسسې ترمنځ د لاسلیک شوي هوکړه لیک له مخې د کابل ولایت له پېښو سره د مبارزې آمادګۍ ریاست د ډافا موسسې له لارې چې د کانونو او پطرولیم وزارت له لوري تمویل کېږي، د خاکجبار ولسوالۍ اړوند باټوخېل او دربند کلي او شاوخوا سیمې له ماینونو پاکې کړي او د مس عینک کان د استخراج لپاره یې ګټې اخیستنې وسپارلې.
د یادونې وړ ده چې، د ماین پاکي په دې پروژه کې په مجموع کې ۲،۹۳۵،۸۱۶ متر مربع ځمکه له ماینونو پاکه شوې او ۱۸۹۲ کړۍ بېلابېل ډول ماینونه پیدا شوي او په خوندي توګه له منځه وړل شوي.
د یادونې ده چې د ماین پاکي دا ستره پروژه د انسانانو د ژوند ژغورنې او د مس عینک کان د استخراج لپاره یو ستر ګام دی چې د دې پروژې په پلي کولو سره به د خلکو ژوند خوندي او د سیمې اقتصادي پرمختګ لامل شي.
نېټه:۱۴۴۶/۶/۲۹
له پېښو سره د مبارزې آمادګۍ ملي اداره
