د کندز ولایت په خان آباد ولسوالۍ کې بېلابېل ډول ناچاوده توکي کشف او خنثی شول
له پېښو سره د مبارزې آمادګۍ ملي ادارې د ماینپاکۍ د همغږۍ او انسجام ریاست، د بیړنۍ اړیکې شمېرې (070,8606060) له لارې د ترلاسه شوي اړیکې پر بنسټ، د (MCPA) مؤسسې د دوهم بېړنۍ ځواب وینې ټیم د کندز ولایت خان آباد ولسوالۍ ته د ماین پاکۍ د عملیاتو لپاره ولېږدوه.
د دې عملیاتو په ترڅ کې، یاد ټیم د دې ولایت له پېښو سره د مبارزې آمادګۍ ریاست سره په همغږۍ څو بلابیل ډوله ناچاوده توکي چې له تېرو جګړو څخه پاتې او د سیمې د اوسېدونکو په ځانګړي ډول د ماشومانو ژوند یې له ګواښ سره مخ کړی و، کشف، په خوندي ډول انتقال او له منځه یووړل.
د ماینپاکۍ د همغږۍ او انسجام ریاست له ټولو هیوادوالو څخه غوښتنه کوي چې د ماینونو او شکمنو ناچاوده توکو سره د مخ کېدو په صورت کې له پورتنۍ بېړنۍ شمېرې سره اړیکه ونېسي او د خپلوهیوادوالو ژوند وژغوري.
نېټه:۱۴۴۷/۷/۲۸ هـ ق
له پېښو سره د مبارزې آمادګۍ ملي اداره
