د کندهار ولايت په پنجوايي او لوړ شاولیکوټ ولسوالیو کې ناچاوده توکي کشف او خنثی شول
د کندهار ولایت له پېښو سره د مبارزې آمادګۍ ریاست د همغږۍ پر بنسټ، د HALO Trust ماین پاکۍ موسسې د QR-99، IED/IM-10 او د IED/IM-10 او IED/IM-33 ټیمونو د یاد ولایت د پنجوايي ولسوالۍ په ارمره کلي او د لوړ شاوليکوټ ولسوالۍ د ادرونيکه کوتل په سیمه کې د ماین پاکۍ د عملیاتو په ترسره کولو سره ناچاوده توکي کشف او په خوندي ډول یې خنثی کړل.
د ماین پاکۍ د عملیاتو په ترڅ کې، ۴۶۰ کیلو د HMA چاودېدونکي توکي، ۱۲ کړۍ IED ماینونه او ۶ عدده د UXO توکي کشف او له منځه یووړل شول.
دا عملیات د ټولو تخنیکي معیارونو په بشپړ رعایت سره ترسره شول، چې له امله یې د سیمې اوسېدونکي له جدي خطرونو څخه وژغورل شول، همدارنګه، له پېښو سره د مبارزې آمادګۍ ریاست له خلکو وغوښتل چې، د هر ډول ناچاوده او شکمنو توکو د لیدو په صورت کې له اړونده مسؤلینو سره اړیکه ونیسي، څو د خلکو ځان او مال د ساتنې لپاره اړین اقدامات ترسره شي.
نېټه: ۱۴۴۷/۱۱/۱۶ هـ ق
له پېښو سره د مبارزې آمادګۍ اداره
