د کندهار ولایت له پېښو سره د مبارزې آمادګۍ ریاست د پاکستان د هوایي برید له امله ۵۱ زیانمنو کورنیو ته نغدې، خوراکي او غیرخوراکي مرستې ووېشلې
د کندهار ولایت له پېښو سره د مبارزې آمادګۍ ریاست، د یاد ولایت په سپین بولدک ولسوالۍ کې د پاکستان د وروستیو هوایي بریدونو له امله د ۲۰ شهیدانو کورنیو او ټپیانو او ۳۱ زیانمنو کورنیو ته له سروې وروسته نغدې، خوراکي او غیرخوراکي مرستې ووېشلې.
په دې لړۍ کې د مسؤلینو په شتون کې د ۷ شهیدانو کورنیو هرې یوې ته ۲۰,۰۰۰ افغانۍ، ۱۳ ټپیانو هر یو ته ۱۰,۰۰۰ افغانۍ نغدې پیسې او ۳۱ زیانمنو کورنیو هرې یوې ته ۵۰ کیلو اوړه، ۵ کیلو بوره، نیم کیلو تور چار، دوه تختې کمپلې او ۳ جوړه څپلکې ووېشل شوې.
نېټه: ۱۴۴۷/۵/۲۶ هـ ق
له پېښوسره د مبارزې آمادګۍ ملي اداره
