د JOHANNITER موسسه په سپېرې ولسوالۍ کې د ۵۰۰ کورنیو لپاره د څارویو مرسته او په معیاري توګه کورونه جوړوي

کابل- د لړم ۱۲مه-۱۴۰۱
محترم الحاج مولوي شرف الدین مسلم پېښو ته د رسېدو په چارو کې د دولت وزارت مرستیال او د وروستۍ زلزلې ځپلو لپاره د مرستو د تنظیم او رسېدنې کمېسیون سرپرست نن سهار له حامد مختار د JOHANNITER موسسې مسوول سره په خپل کاري دفتر کې د خوست ولایت سپېرې ولسوالۍ کې زلزلې ځپلو لپاره د کورونو جوړولو په اړه لیدنه او خبرې وکړې.
لومړۍ الحاج مولوی شرف الدین مسلم د دغه وزارت مرستیال او د زلزلې ځپلو لپاره د مرستو د تنظیم او رسېدنې کمېسیون سرپرست په بېړنیو حالاتو کې د ملي او نړیوالو موسسو له کړنو، همکاري او همغږي څخه په ستاینې سره د زیانمن شویو لپاره د لازیاتې همکاري او همغږي غوښتنه وکړه.
ښآغلي مسلم زیاته کړه چې اړتیا ده ترڅو د زلزلې ځپلو بېړنیو اړتیاوو ته له رسېدنې وروسته، د هغوۍ کورونه باید د طبیعي پېښو پر وړاندې په معیاري ډول ترمیم او ورغول شي.
نوموړي همدارنګه ووېل چې د ژمي موسم را رسېدو په حالت کې دې او اړتیا ده ترڅو د زلزلې ځپلو او نورو زیانمن شویو لپاره د ژمي مرستې هم ووېشل شي.
ورپسې حامد مختار د JOHANNITER دفتر مسوول د ۲۰۰۲ کال څخه را پدیخوا د خپلو کړنو په اړه معلوماتو په وړاندې کولو سره ووېل چې په لومړۍ پړاو کې یې ۵۲۰ کورنیو ته د کور مکمل توکي وېشلي دي.
ښاغلي مختار وویل د JOHANNITER دفتر د آلمان هېواد په مالي همکاري په زلزلې ځپلي سپېرې ولسوالۍ کې ۵۰۰ کورونه ترمیم او رغوي.
هغه زیاته کړه چې ۴۰۰ کورنیو ته د معیشت بدیل څاروي او د ژمي مرستې هم په یاده ولسوالۍ کې زلزلې ځپلو لپاره وېشل کېږي.