له طبیعې پیښو څخه زیانمن شویو لپاره د خوراکې، غیر خوراکې، او نقدو پیسو د ویش لړي نن په ټول هیواد کې پرانیستل شوه.
مطیع الله صافې، پیښو ته د رسیدو په چارو کې د دولت وزارت مالې او ادارې مرستیال د دی پروګرام د پرانیستلو پر مهال وویل: دغه پروګرام هم مهاله سره له کابل په هرات، بدخشان، ارزګان، بادغیس او په بامیان ولایتونو کې په لاره اچول شوي ده، او دا لړې د چنګاښ تر ۲۵ نیټی پورې په ټولو ولایتونو کې پلې کیږې.
هغه زیاته کړه: دا وزارت په هر ولایت کې ۱۰۰ زیانمن شویو کورنیو ته چې د هیواد په کچه په مجموعې توګه ۲۳۸۰۰ انسانان کیږي، خوراکې، غیر خوراکې او نقدي پیسی به ورته ویشل کیږې.
پیښو ته درسیدو په چارو کې د دولت وزارت د وړی له ۱ څخه تر اووسه ۳۳۰۰۵ زیانمن شویو کورنیو ته خوراکې توکې، ۱۱۰۸۸ کورنیو ته غیر خوراکې توکې او ۲۲۴۵ زیانمن شویو کورنیو ته نقدې پیسی ویشل شوې.
