له پیښو سره د مبارزې امادګۍ ملي ادارې سرپرست د افغان ماشومانو لپاره د المان مرستو مؤسیسې د رئیس سره وکتل
نن ورځ یک شنبه، له پیښو سره د مبارزې امادګۍ ملې ادارې سرپرست الحاج ملا نورالدین ترابي د راستنیدونکو ګډوالو سره د مرستي کولو په موخه د افغان ماشومانو لپاره د المان مرستو مؤسیسې د رئیس حاجي محمد عالیم او معاون مصطفی شهاب سره په خپل کاري دفتر کي وکتل.
ترابي صاحب د یادي مؤسیسې راغلي پلاوي ته د ښه راغلاست ترڅنګ وویل چي خوښ یو چي مؤسیسات د اولس لپاره دبهر هیوادونو څخه مرستي راټولوي او پر مستحقو کسانو یی ویشي او ددې مؤسیسې د ټول کاري ټیم څخه یې مننه وکړه چي په سختو شرایطو کي زموږ د زوریدلي اولس سره همکاري کوي او زیاته یې کړل چي د ټولو مؤسیساتو او سازمانونو څخه مو غوښتنه داده چي د طبیعي او غیري طبیعي پیښو زیانمنو کورنیو سره پوره همکاريۍ وکړي او خپلي هلي ځلي جاري وساتي تر څو اړمنو کورنیو ته مرستي ورسیږي.
د افغان ماشومانو لپاره د المان مرستو مؤسیسې رئیس حاجي محمد عالیم دیادي ادارې دسرپرست او کارکونکو څخه مننه وکړل چي په کارونو کي چټکتیا او شفافیت راویستلي دي.
همداراز حاجي محمد عالیم وویل چي د تورخم د لاري راستنیدونکو ګډوالو ته د څلورو اونیو لپاره خوراکي او غیر خوراکي مواد وویشو چي په هر اونۍ کي به ۲۰۰ کورنیو خوراکي او غیر خوراکي مرستي ویشل کیږي چي ټوټل ۸۰۰ کورنۍ کیږي.
چي هري کورنۍ ته به یوه بورۍ وړه ۵۰ کیلو، یو پارسل وریجی لس کیلوی، یوه ډبه غوړی ۱۰ لیتره، ۷ کیلو لوبیا، یو کارټن لس بوتله اوبه ۱۵ لیټره، یوه تخته کمپله یو نفري او یوه تخت پلاستیکي فرش.
نیټه: ۱۴۴۶/۱۰/۱۵ هــ ق
له پیښو سره د مبارزې امادګۍ ملي اداره
