له پېښو سره د مبارزې آمادګۍ ملي اداره کې د کمپیوټري پروګرامونو د زده کړې لپاره د وړتیا لوړولو پروګرامونو ترسره کولو او د روزنې مرکز فعاله شو
له پېښو سره د مبارزې آمادګۍ ملي ادارې د محترم مقام د لارښوونې پر بنسټ، د دې ادارې د کارکوونکو چارو ریاست د روزنې او د ادارې د پراختیا آمریت، د نوي شامل شویو رئیسانو او هغو کارکوونکو لپاره چې له روزنیزو دورو پاتې وو، د کمپیوټري پروګرامونو د زده کړې د وړتیا لوړولو پروګرام د دې ادارې په روزنیز مرکز کې چې په شل پایو کمپیوټرونو سمبال دی، پیل کړ.
د دې پروګرام په لومړۍ دوره کې به ۵۰ مرکزي کارکوونکي او رئیسان په درې وختونو کې د کمپیوټر لومړني پروګرامونه زده کړي، چې د دوی درسي پروګرام نن په رسمي ډول پیل شو.
د یادونې وړ ده چې دا د کارکوونکو چارو ریاست روزنیز مرکز په ۱۳۹۹ هجري شمسي کال کې د کډوالۍ نړیوال سازمان په همکارۍ د بشري سرچینو د ریاست د روزنیز مرکز په نوم جوړ شوی و؛ خو د تېرې ادارې د کمکارۍ او ګټې نه اخېستو له امله په بشپړ ډول غیر فعال شوی و، چې خوشبختانه له پېښو سره د مبارزې آمادګۍ ملي ادارې د محترم مقام د لارښوونې پر بنسټ اوس بیرته فعال او ترینه ګټه اخیستل کېږي. په پام کې ده چې په دې مرکز کې به د دې ادارې کارکوونکو ته بېلابېل کمپیوټري پروګرامونه ورزده کړل شي.
نېټه:۱۴۴۶/۶/۱۴
له پېښو سره د مبارزې آمادګۍ ملي اداره
