له پېښو سره د مبارزې آمادګۍ ملي ادارې او د اکشن ‌اېډ موسسې ترمنځ د ۶۹۷،۹۹۹ ډالرو په ارزښت د ګډو همکاریو تفاهم‌نامه لاسلیک شوه 

rahyab
سه‌شنبه ۱۴۰۴/۳/۱۳ - ۱۶:۸
تصویر خبر

نن د سې شنبې په ورځ له غرمې مخکې، له پېښو سره د مبارزې آمادګۍ ملي ادارې د مالي او اداري عمومي رئیس او سرپرست، الحاج محمد علم عالمیار، د اکشن اېډ موسسې له رئیس، محترم سری کانتا میسرا سره په خپل کاري دفتر کې وکتل او د ګډو همکاریو تفاهم‌نامه یې ورسره لاسلیک کړه.
په دې ناسته کې، محترم عالمیار صاحب د یادې موسسې پلاوي ته ښه راغلاست وویل او له دې موسسې څخه یې له زیانمنو سره د دوامداره مرستو د کولو په پار مننه وکړه او همداراز یې یادې موسسې ته د هغوی په کارونو کې د هر ډول ستونزو د رامنځته کېدلو په صورت کې د هغې د له منځه وړلو په اړه ډاډ ورکړ او له یادې موسسې څخه یې وغوښتل، چې د افغانستان هېواد له کړېدلي ملت سره دې خپلې مرستې جاري وساتي.

ورپسې، د اکشن ‌اېډ موسسې رئیس، محترم سری کانتا میسرا، د خپلې پروژې په اړه معلومات وړاندې کړل او له پېښو سره د مبارزې آمادګۍ ملي ادارې د چارو په ځانګړي ډول له موسسو سره د تفاهم نامو د لاسلیک کولو په برخه کې د چټکتیا له شتون څخه ستاینه وکړه او له محترم الحاج محمد علم عالمیار څخه یې د تفاهم نامې د لاسلیک کولو لپاره د وخت ورکولو په پار مننه وکړه.
د یادونې وړ ده، چې د دې ناستې په وروستیو کې د دواړو لوریو ترمنځ ټولټال د ۶۹۷،۹۹۹ (شپږ سوه اوه نوي زره، نه سوه او نه نوي) امریکایي ډالرو په ارزښت د ګډو همکاریو تفاهم‌نامه لاسلیک شوه. د دې تفاهم‌نامې له مخې، به په لومړي پړاو کې د سرپل ولایت په درې سنچارک، سوزمه قلعه او ګوسفندي ولسوالیو کې ۲،۷۰۰ زیانمنو شویو کورنیو ته، په داسې توګه چې ۱،۲۱۵ هرې کورنۍ ته په سنچارک، ۸۳۷ هرې کورنۍ ته په ګوسفندي او ۶۴۸ هرې کورنۍ ته په سوزمه قلعه ولسوالیو کې د د ۱۵۰ امریکایي ډالرو معادل افغانۍ پیسې ووېشل شي او په دوه یم پړاو کې به د یاد ولایت د درې ولسوالیو ټولټال ٨٧٢ کورنیو ته په داسې ډول، چې د سنچارک ٣٩٢ هرې کورنۍ د ګوسفندي ٢٦١ هرې کورنۍ او د سوزمه قلعي ولسوالۍ ٢١٩ هرې کورنۍ ته د ١٨٠ ډالرو معادل افغانۍ وو ېشل شي.

نېټه: ۱۴۴۶/۱۲/۶
له پېښو سره د مبارزې آمادګۍ ملي اداره

وروستي خبرونه

یکشنبه ۱۴۰۵/۸/۳ - ۱۱:۴۶
Background image

د کندهار په ارغستان ولسوالۍ کې د اوبو بند جوړولو لپاره د همکاریو دوام

د کندهار ولایت له پېښو سره د مبارزې آمادګۍ ریاست د ارغستان ولسوالۍ د لوترکشه په سیمه کې د اوبو بند جوړولو لپاره د ۳٬۰۰۰ لیتره تېلو مرسته وکړه. د دغه بند په بشپړېدو سره به شاوخوا ۱۵۰٬۰۰۰. . .

یکشنبه ۱۴۰۵/۸/۳ - ۱۱:۴۴
Background image

د کندهار په نیش ولسوالۍ کې ۱۲۳ وچکالۍ ځپلو کورنیو ته خوراکي او غیرخوراکي مرستې ووېشل شوې

د کندهار ولایت له پېښو سره د مبارزې آمادګۍ ریاست، د یاد ولایت په نیش ولسوالۍ کې ۱۲۳ وچکالۍ ځپلو کورنیو ته له سروې وروسته خوراکي او غیرخوراکي مرستې ووېشلې. په دې بهیر کې هرې کورنۍ ته دوه. . .

یکشنبه ۱۴۰۵/۸/۳ - ۱۱:۳۹
Background image

د کندهار ولایت په مرکز کې ۶ عدده ناچاوده توکي کشف او خنثی شول

د کندهار ولایت له پېښو سره د مبارزې آمادګۍ ریاست د هلوټرسټ ماین پاکۍ موسسې د چټک غبرګون ټیم په همکارۍ، د کندهار ښار په ۱ ناحیه کې د زړو اوسپنو په یوه پلورنځي کې د عملیاتو پر مهال ۶ عدده. . .

نوي اعلانونهآخرین اطلاعیه ها

دوشنبه ۱۴۰۴/۱/۲۵ - ۱۵:۱۷
Background image
پنجشنبه ۱۴۰۳/۲/۶ - ۱۰:۳۱
Background image

رسنیز بلنلیک 

په روسیه فدراتیف هېواد کې مېشت د افغان سوداګریزې ټولنه په پام کې لري چې په افغانستان کې د وروستیو بارانونو او سېلابونو له امله زیانمنو سره د مرستې په موخه ۳۳ ټنه خوراکي مرستې نن ورځ د . . .

پنجشنبه ۱۴۰۱/۱۰/۲۲ - ۱۱:۴۲
Background image

اړینه- خبرتیا

لکه څرنګه چې زموږ هېوادوال پوهېږي، په تېرو څو ورځو کې د هېواد په یو شمېر ولایتونو کې د سختې یخنۍ ترڅنګ د واورې او بارانونو د ورېدو شاهدان و، او د ملکي هوايي چلند ادارې د هوا پېژندنې . . .