له پېښو سره د مبارزې آمادګۍ ملي ادارې د اطلاعاتو او نشراتو رئیس د هستوګنې لپاره د آغاخان موسسې له تخنیکي ټیم سره وکتل
نن د پنجشنبې په ورځ، له پېښو سره د مبارزې آمادګۍ ملي ادارې د اطلاعاتو او نشراتو رئیس او ویاند, حافظ محمد یوسف حماد، د هستوګنې لپاره د آغاخان موسسې له تخنیکي ټیم سره لیدنه او خبرې وکړې.
په دې لیدنه کې ښاغلي حماد د آغاخان موسسې له همکاريو قدرداني وکړه او د پېښو د مدیریت لپاره یې د اغېزمنې همغږۍ پر اړتیا ټینګار وکړ، ترڅو زیانمنو خلکو ته غوره او اغېزناکه خدمات وړاندې شي.
نوموړي همداراز د طبیعي پېښو د خطرونو د کمولو لپاره د نشراتو او عامه پوهاوي رول ته اشاره وکړه او له دې موسسې یې وغوښتل چې د ادارې د نشراتو برخې د ملاتړ په برخه کې لا زیاته همکاري وکړي.
د آغاخان موسسې تخنیکي ټیم هم له پخوانیو همکاریو خوښي وښوده او ژمنه یې وکړه چې له دې ادارې سره به په تخنیکي او نشراتي برخو کې خپلو همکاریو ته دوام ورکړي.
نېټه: ۱/ ۱۲/ ۱۴۴۶
له پېښو سره د مبارزې آمادګۍ ملي اداره
