له پېښو سره د مبارزې آمادګۍ ملي ادارې سرپرست د تېرو مرستو په دوام یو ځل بیا په کابل کې ۵۰۰ زیانمنو کورنیو ته خوراکي او غیر خوراکي مرستې ووېشلې
نن سهار، سهشنبه، له پېښو سره د مبارزې آمادګۍ ملي ادارې سرپرست الحاج ملا نورالدین ترابي، د دې ادارې د اطلاعاتو او عامه اړیکو رئیس ملا جانان سائق، د بېړنیو عملیاتو رئیس قاري خوشحال زماني او د خبریالانو په ګډون، په کابل ولایت کې د پېښو له امله ۵۰۰ زیانمنو کورنیو ته خوراکي او غیر خوراکي مرستې ووېشلې.
محترم ترابي صاحب وویل چې د تېرو مرستو په دوام، د هغو مرستو تر څنګ چې د موسسو په همکارۍ ترسره کېږي، له پیښو سره دمبارزی امادګی ملی اداره هم ډېری وختونه په اونیز ډول د پېښو له امله زیانمنو ته د خوراکي او غیر خوراکي مرستو وېش ترسره کوي. نوموړي زیاته کړه چې نن ورځ ۵۰۰ کورنیو ته چې د کابل ښار په بېلابېلو ناحیو کې د پېښو له امله زیانمنې شوې وې، خوراکي او غیر خوراکي مرستې چې ۵۰ کیلو اوړه، ۲۵ کیلو وریجې، دوه جمپرونه او یوه کمپله پکې شامل دي، هرې کورنۍ ته وېشل سولی . نوموړي په دې ترڅ کې د مرستو د بهیر د شفافیت او د موسسو او مرستندویو بنسټونو سره د تفاهمنامو د لاسلیک یادونه هم وکړه. هغه زیاته کړه چې د راتلونکي ژمي په جریان کې به نه یوازې په کابل، بلکې د هېواد په ټولو ولایتونو کې هغو کسانو ته چې د پېښو له امله زیانمنېږي، پر وخت سره مرستې ورسوه
له پېښو سره د مبارزې آمادګۍ ملي ادارې سرپرست له زیانمنو خلکو سره خواخوږۍ څرګنده کړه او هغوی ته یې وویل: "دا مرستې اوس مهال زموږ په واک کې دي او تاسو ته مو ووېشلې او په راتلونکي کې هم هڅه کوو چې نورې مرستې هم درته برابرې کړو."
د یادونې وړ ده چې د دې مرستو ترلاسه کونکو له مسؤلینو مننه وکړه او د دې پروسې د دوام او زیاتوالي غوښتنه یې وکړه.
نېټه:۱۴۴۶/۵/۱۷
له پېښو سره د مبارزې آمادګۍ ملي اداره
