له پېښو سره د مبارزې آمادګۍ ملي ادارې سرپرست د نیمروز ولایت په خاشرود ولسوالۍ کې د یو پلچک جوړېدو د بهیر څخه څارنه وکړه
نن ورځ یکشنبه، له پېښو سره د مبارزې آمادګۍ ملي ادارې سرپرست، محترم الحاج ملا نورالدین ترابي، نیمروز ولایت ته د خپل رسمي سفر په ترڅ کې د یاد ولایت خاشرود ولسوالۍ ته ولاړ او هلته یې د یو پلچک د جوړېدو له روان بهیر څخه لیدنه او څارنه وکړه.
یاده پروژه چې د سیمهییزو بنسټونو د پیاوړتیا، د تګراتګ د آسانتیا او د سېلابونو له امله د خطرونو د کمولو په موخه پلي کېږي، د طبیعي پېښو پر وړاندې د مقاومت د لوړولو په موخه دیو میلیون افغانیو دپروژی یو برخه ده
محترم ترابي صاحب د دې لیدنې پر مهال د تخنیکي معیارونو د مراعتولو، د کار د چټکتیا، د شفافیت او د پروژو د پلي کېدو پر اړتیاوو د ټینګار تر څنګ وویل، چې د پروژې د پلي کولو ټیم باید له سیمهییزې ادارې سره نږدې همکارۍ ولري.
نوموړي همداراز زیاته کړه، چې له پېښو سره د مبارزې آمادګۍ ملي اداره، د خلکو د اړتیاوو له مخې، د پروژو پلي کولو له لارې، د هېواد په کچه د ښه خدمترسونې زمینې برابرولو او د طبیعي پېښو له امله د پېښو د خطرونو کمولو ته ژمنتیا لري.
نېټه: ۱۴۴۶/۱۲/۱۸ هـ ق
له پېښو سره د مبارزې آمادګۍ ملي اداره
