له پېښو سره د مبارزې آمادګۍ ملي ادارې سرپرست د یوناما دفتر د اقلمي بدلون د سلاکاري سره وکتل
نن ورځ پنج شنبه، له پېښو سره د مبارزې آمادګۍ ملي ادارې سرپرست الحاج ملا نورالدین ترابي د یوناما دفتر د اقلمي بدلون د سلاکاري اغلي خیریتې واټسن، د پرمختیایي همغږۍ مسؤل مقامالدین سراج او ژباړن محمد طارق احمدزي سره په خپل کاري دفتر کي وکتل.
ترابي صاحب له هرڅه مخکي راغلي پلاوي ته ښه راغلاست ووایه او زیاته یې کړل چي زموږ هېواد د اقلیمي بدلون له امله تل ځورېدلی دی طبیعي پېښې لکه سېلابونه، وچکالي، زلزلي او نورې ستونزې زموږ خلکو ته زیان رسوي موږ هڅه کوو چې د نړیوالو ادارو په همکارۍ د دغو پېښو د خطر کمولو لپاره پیاوړی چمتووالی ولرو.
همد راز نوموړي زیاته کړه چې هغه هیوادونه چي اقتصادي مشکلات لري او دا قلمي بدلون سره زیات مخ وي باید نور بډایه هیوادونه او سازمانونه مرستي ورسره وکړي او داقلمي بدلون دمخینوي لپاره باید اساسي کار وشي.
یوناما د اقلیم سلاکاري اغلي خیریتې واټسن د یادي ادارې دسرپرست څخه ځانګړي مننه وکړه چي وخت یی راکړ او زیاته یې کړل چي افغانستان هغه هیواد دی چي تل داقلمي بدلون ځپلی دی او باید خاصه توجوع ورته وسي.
اغلي زیاته کړه چې له ادارې سره به خپله همکاري روانه ساتي تر څو د طبیعي پېښو پر وړاندې د چټک غبرګون او دوامدارو حل لارو زمینه برابره شي.
نیټه:۱۴۴۶/۹/۲۶ هــ ق
له پېښو سره د مبارزې آمادګۍ ملي اداره
