له پېښو سره د مبارزې آمادګۍ ملي ادارې لوی رئیس د کابل ولایت له والي سره وکتل
نن ورځ سې شنبه، له پېښو سره د مبارزې آمادګۍ ملي ادارې لوی رئیس ملا نورالدین ترابي د کابل ولایت له والي ملا امین الله عبید او د کابل ولایت له پېښو سره د مبارزې آمادګۍ ریاست رئیس مولوي نجیب الله انوري سره په خپل کاري دفتر کې وکتل او په دې لیدنه کې دواړو لورو د کابل ولایت د ولسوالیو د انکشافي او بیارغونې پروژو، د طبیعي پېښو د مخنیوي تدابیرو، او د همغږۍ د پیاوړتیا په اړه مفصل بحث وکړ.
په پیل کې له پېښو سره د مبارزې ملي ادارې لوی رئیس ملا نورالدین ترابي د کابل ولایت مقام د همکارۍ او ملاتړ څخه مننه وکړه او ویې ویل چې د کابل په ولسوالیو کې د وقایوي پروژو تطبیق د خلکو د خوندیتوب او د ژوند د شرایطو د ښه والي لپاره بنسټیز اهمیت لري.
همد راز ترابي صاحب زیاته کړه چي موږ هڅه کوو چې د هرې ولسوالۍ اړتیاوې دقیقې وڅېړو، د احتمالي طبیعي پېښو د مخنیوي لپاره لازم تدابیر ونیسو.
ورسته د کابل والي الحاج ملا امین الله عبید د ترابي صاحب د همکارۍ څخه مننه وکړه او څرګنده یې کړه چې یادې ادارې د کابل ولایت په ټولو ولسوالیو کي یې وقایوي پروژې افتتاح کړي دي او یا هم بشپړي سوي دي او یاهم تر کار لاندي دي.
همد راز الحاج عبید صاحب وویل چي کابل یو ستر او مهم ولایت دی چې د هرې پروژې عملي کېدل پکې د خلکو د ژوند په کیفیت مستقیم اغېز لري موږ به هڅه وکړو چې ټولې ولسوالۍ له بنسټیزو خدماتو او انکشافي پروژو څخه برخمنې کړو.
په پای کې د الحاج ملا امین الله عبید لخوا د یادي ادارې لوی رئیس ترابي صاحب ته معنوي ډالۍ ستاینلیک ورکړ.
نیټه: ۱۴۴۷/۵/۱۳ هــ ق
له پېښو سره د مبارزې آمادګۍ ملي اداره
