له پېښو سره د مبارزې آمادګۍ ملي ادارې لوی رئیس د کنړ ولایت د زلزله ځپلو هیوادوالو لپاره ۱۴ کاري کمېټې وټاکلي
نن ورځ سې شنبه، له پېښو سره د مبارزې آمادګۍ ملي ادارې لوی رئیس الحاج ملانورالدین ترابي زلزله ځپلو هیوادوالو ته د چټکو خدمتونو تر سره کولو په موخه د دې ادارې د ۹۴ کارکونکو څخه ۱۴ کاري کمېټې وټاکلې او هرې کمیټې ته یې بیلابیلي دندي وسپارلې.
ښاغلې ترابي صاحب وویل چي کاري کمیټې مو په دې موخه ټاکلي دي چي د هري برخي کارونه چټک او منظم سر ورسیږي او زلزله ځپلو هیوادوالو ته په هره برخه کي عاجلي مرستي ورسیږي.
همدراز ښاغلې ترابي صاحب ټولو کارکونکو ته هدایت وکړ چي نن باید د ستړیا احساس ونکړو او په پوره ایماندارۍ سره زلزله ځپلو هیوادلو ته عاجل خدمتونه وکړو.
دغه ۱۴ کاري کمیټې په لاندي ډول وټاکل سولې:
۱. طیارې ته د زخمیانو پورته کولو کمېټه؛
۲. د شهیدانو راکښلو کمېټه؛
۳. د شهیدانو د دفن کولو کمېټه؛
۴. د لارې پاکولو کمېټه؛
۵. د عاجل خوراکې موادو د توزیع کمېټه؛
۶. له مسؤلینو سره د تماس نولو کمېټه؛
۷. د صحت کمېټه؛
۸. د کمپ یا کلو کې د خیمې لګولو کمېټه؛
۹. د سروې کولو کمېټه؛
۱۰. د توزیع کولو کمېټه؛
۱۱. د موسسیاتو څخه د کومکونو تسلیمولو کمېټه؛
۱۲. د نشراتو کمېټه؛
۱۳. د هالیکوپټرو د نظم کمېټه
۱۴. د ټولو کمېټو د اکمالاتو کمېټه.
نیټه: ۱۴۴۷/۰۳/۰۹ هـ ق
له پېښو سره د مبارزې آمادګۍ ملي اداره
