له پېښو سره د مبارزې آمادګۍ ملي ادارې لوی رئیس د کډوالۍ نړیوال سازمان IOM له رئیسي سره وکتل
نن ورځ سې شنبه له پیښو سره د مبارزې آمادګۍ ملې ادارې لوی رئیس الحاج ملا نورالدین ترابي د کډوالۍ نړیوال سازمان (IOM) د رئیسي میا پارک، د معلوماتو د تعقیب د پروګرام مسؤل یاسین الهمداني، د خطر کمولو پروګرام مسؤل اشرف السحر، د بیړنیو مرستو د پروګرام مرسیتال فهیم صافي او د اړیکو د مسؤل محمد سلیم خالد سره په خپل کاري دفتر کي وکتل.
ترابي صاحب له هرڅه وړاندي د کډوالۍ نړیوال سازمان راغلي پلاوي ته ښه راغلاست وویل او زیاته یې کړه چي یاد سازمان تل زموږ سره په بشري او تخنیکي مرستو کي همکاري کړي ده او د یاد سازمان څخه یې وغوښتل چي ژمنۍ مرستي دي همدا اوس ژر تر ژره وویشي تر څو پر وخت اړمني کورني ځیني برخمني سي.
همداراز ترابي صاحب د کډوالۍ د نړیوال سازمان د راغلي پلاوي څخه غوښتنه وکړه چي مؤسیسات دي په یوه ولایت کي مرستي نه ویشي بلکي د افغانستان په ۳۴ ولایتونو کي دي ژمني او د اړتیا وړ مواد وویشي.
د کډوالۍ نړیوال سازمان رئیسي اغلي میا پارک له پېښو سره د مبارزې آمادګۍ ملي ادارې د لوی رئیس څخه مننه وکړه چي موږ ته مو وخت راکړ او زیاته یې کړه چي یادي ادارې تل زموږ سره همکاري کړې ده او ددې ادارې د لوی رئیس هڅي یې وستایلي چي ورستۍ زلزله ځپلو کورنیو ته ژر رسیدنه وکړه او مرستي یې ورورسولې.
نیټه: ۱۴۴۷/۵/۶ هــ ق
له پېښو سره د مبارزې آمادګۍ ملي اداره
