له پېښو سره د مبارزې آمادګۍ ملي ادارې لوی رئیس په افغانستان کي د جاپان له سفیر سره وکتل

نن ورځ یک شنبه، له پېښو سره د مبارزې آمادګۍ ملي ادارې لوی رئیس الحاج ملانور الدین ترابي د جاپان له سفیر ښاغلې تاکایوشي کورومیا او ورسره راغلي پلاوي سره په خپل کاري دفتر کي وکتل.
د جاپان سفیر، ښاغلې تاکایوشي کورومیا په هیواد کي د ورسیتو زلزلو له امله خواشیني څرګنده کړه او جاپان یې د افغانستان یو ښه دوست هیواد یاد کړ او د خپلو کړو مرستو یادونه یې وکړه او وویل چي لابه هم خپلو مرستو ته دوام ورکوو ترڅو لا هم د دغه دوو هیوادونو اړیکي پیاوړې سي.
ښاغلي سفیر د یادي ادارې د لوی رئیس څخه مننه وکړه چي تل یې د مؤسیساتو سره همکارې کړې او زیانمنو کورنیو ته یې په شفافیت سره مرستي رسولي دي، همدارنګه به د د کنړ ولایت د زلزله ځپلو سره نوري مرستي هم وکړو. 
ښاغلې ترابي صاحب د سفیر او راغلي پلاوي ته ښه راغلاست وویل او مننه یې ورڅخه وکړه چي د کنړ ولایت د زلزله ځپلو کورنیو سره یې مرسته کړې ده،  همداراز یې له پېښو سره د مبارزې آمادګۍ ملي ادارې پر لاسته راوړانو او مشکلاتو یی ګډ بحث وکړ او یادونه یې وکړه چي په افغانستان کي زیات شمیر خلګ د غربت او بي وزلۍ سره مخ دي او مرستو ته جدي اړتیا لري او مرستي باید بشري وي سیاسي اړه ورنکړي.
همداراز، ښاغلې ترابي صاحب زیاته کړه چي جاپان هیواد تل زموږ سره د مرستو په برخه کي زیاته همکاري کړي ده او موږ ورڅخه منندوی یو او په راتلونکي کې د لازیاتو همکاریو او مرستو غوښتنه یې هم ورڅخه وکړه.
دغونډي په ورستیو کي پر ګډو همکاریو ټینګار وسو. 

نیټه: ۱۴۴۷/۳/۱۴ هــ ق  
 له پېښو سره د مبارزې آمادګۍ ملي اداره