له پېښو سره د مبارزې آمادګۍ ملي ادارې مرکزي ګدام او د کابل ولایت ګدام په معیارۍ ډول  ترمیم او جوړ سول    

له پېښو سره د مبارزې آمادګۍ ملي ادارې د محترم مقام په لارښوونه، د یادې ادارې مرکزي او د کابل ولایت ګدامونه چې د کابل ولایت له پېښو سره د مبارزې آمادګۍ ریاست په انګړ کې شتون لري، د معیارۍ ترمیم او معیاري کولو وروسته په خوندي توګه د خوراکي او غیر خوراکي توکو د زېرمه کولو لپاره چمتو شول.
د یادونې وړ ده، چې مخکې دې ادارې د ملي پراختیا د ارزاقو ریاست ځینې ګودامونه په کرايه نیولي وو؛ خو اوس مهال له ډېرو هڅو وروسته، د دې ادارې ګودامونه چې مخکې غیرمنظم او غیر معیاري وو، او په یوه برخه کې یې نه کارېدونکي وسایل او اوسپنیز توکي ځای پر ځای شوي وو، تخلیه شول او اوس په منظم او معیاري ډول د مرستندویه توکو د زېرمه کولو لپاره چمتو سول.
باید ووېل شي، چې د دې ګدامونو په ترمیم سره له یوې خوا د کرايې له ورکولو څخه سپما وسول ، او له بلې خوا به د خوراکي او غیر خوراکي توکو د خرابېدو او ورستېدو مخنیوی کېږي. همداراز، له دې ګودامونو څخه ترلاسه شوي وسایل چې د ترمیم وړ وه، هغه ترمیم سول او د دې ادارې مرکزي او ولایتي ریاستونو ته  به ولیږل سی، او هغه وسایل چې د ترمیم وړ نه دي، داغمه او لیلام ته به وړاندې سی.

نیټه: ۱۴۴۶/۷/۱۴
له پېښو سره د مبارزې آمادګۍ ملي اداره