په ارزګان ولایت کې ناچاوده توکي کشف او خنثی شول
د ارزګان ولایت له پېښو سره د مبارزې آمادګۍ ریاست سره په همغږۍ د DAFA ماینپاکۍ موسسې تخنیکي ټیم، د یاد ولایت په مرکزترینکوټ کې د خانقۍپه سیمه کې د تېرو جګړو پاتې شوي یو شمېر ناچاوده توکي کشف او په خوندي ډول شنډ کړل.
د یادونې وړ ده، چې په دې توکو کې پنځه عدد بېلابېل ناچاوده توکی شامل وو، چې د خانقۍ د کلي له سیمې څخه ترلاسه شول او د خوندیتوب بشپړو اصولو په مراعتولو سره له منځه یوړل شول.
له پېښو سره د مبارزې آمادګۍ ریاست مسئولینو وویل، ناچاوده توکي د ښاریانو، په ځانګړي ډول د ماشومانو، د ژوند لپاره جدي ګواښ ګڼل کېږي. هغوی د سیمې له اوسېدونکو وغوښتل چې د شکمنو توکو د لېدو په صورت کې دې له لاس وهلو څخه ډډه وکړي او دموضوع په اړه دې سمدستي اړوندو مسئولینو ته راپور کړي.
نېټه: ۱۴۴۷/۰۹/۱۹ هـ ق
له پېښو سره د مبارزې آمادګۍ ملي اداره
