په فراه ولایت کې ٨ بېلا بېل ډوله ناچاوده توکي کشف او خنثی کړل شول
له پېښو سره د مبارزې آمادګۍ ملي ادارې او له Area موسسې سره د هوکړه لیک له مخې، د فراه ولایت له پېښو سره د مبارزې آمادګۍ ریاست د Area ماین پاکۍ موسسې په همغږۍ، د یاد ولایت د فراه رود ولسوالۍ په نوآباد کلي کې عملیات وکړل، چې د دې عملیاتو په پایله کې یې ٥ فیره د راکټ مرمۍ، ٢ فیره د هاوان مرمۍ او یوه کړۍ خوشه یي بمب وموند او په خوندي توګه یې له منځه یووړل.
دې ناچاوده توکو د سیمې د خلکو ځان او مال له خطر سره مخ کړي وو، چې له خنثی کولو وروسته یې د احتمالي مرګ ژوبلې مخنیوی وشو.
نېټه: ۱۴۴۷/۳/۲٧ هـ ق
له پېښو سره د مبارزې آمادګۍ ملي اداره
