په لوګر ولایت کې چاودېدونکي توکي کشف او خنثی کړل شول
د لوګر ولایت له پېښو سره د مبارزې آمادګۍ ریاست د هیلوترسټ ماین پاکۍ نړیوالې موسسې د همغږۍ له مخې، د یاد ولایت د مرکز پل علم په آبچګان دښته کې کې عملیات وکړل، چې د دې عملیاتو په پایله کې یې ۱۵۰ ګرامه چاودېدونکي توکي، ۴ کاره د اور بازۍ پټاقۍ او ۴ متره فلیته ثانیه سوز کشف او په خوندي توګه خنثی کړل.
یاد ناچاوده توکی، چې له تېرو جګړو څخه پاتې شوی وو، د سیمې د خلکو ځان او مال یې له خطر سره مخ کړي وو، چې له خنثی کولو وروسته یې د احتمالي مرګ ژوبلې مخنیوی وشو.
نېټه: ۱۴۴۷/۰۴/١۳ هـ ق
له پېښو سره د مبارزې آمادګۍ ملي اداره
