په پکتیا ولایت کې د یو پل د جوړېدو چارې پرانیستل شوې
پکتیا- د غبرګولي ۲۷مه-۱۴۰۲
الحاج مولوي عبدالله جان سایق پېښو ته د رسېدو په چارو کې د دولت وزارت د خطرونو کمولو او مخنیوي رییس تېره ورځ د پکتیا ولایت په اورګوړ سیمه کې د یو پل د جوړېدو چارې، د مولوي عزیزالله قانت د پکتیا ولایت مقام استازي، مولوي نثار احمد نجات د یاد ولایت پېښو سره د مبارزې رییس، مولوي نصیرالله هجرت د پکتیا ولایت مخابراتو او تکنالوژۍ رییس، مفتی شاه محمود شاهد د ترهګرۍ مرستیال او یو شمېر انجنیرانو په شتون کې پرانیستلې.
لومړۍ مولوي عزیزالله قانت د ولایت مقام استازي له مرکز څخه تللي پلاوي ته د ښه راغلاست ترڅنګ ووېل: چې په دې سیمه کې خلک د کانالونو په برخه کې له زیاتو ستونزو سره مخ و، او همدارنګه نوموړي د دې پروژې د چارو په هکله د ښاغلي نجات د یاد ولایت پېښو سره د مبارزې رییس هڅې هم وستایلې.
ورته مهال الحاج مولوي عبدالله جان سایق په خپلو خبرو کې ووېل: چې پېښو ته د رسېدو په چارو کې د دولت وزارت او د ولایت مقام مشرتابه په لارښوونې او د اړوندو ریاستونو په همغږي او همکاري سره نن د دغه پل د جوړېدو چارې پیلېږي چې له جوړېدو وروسته به د خلکو زیاتې ستونزې حل شي.
همدارنګه مولوي نثار احمد نجات د پکتیا ولایت پېښو سره د مبارزې رییس، د دغه پل د جوړېدو په هکله پېښو ته د رسېدو وزارت او د ولایت مقام د لارښوونو په هکله یادونه وکړه او ووېل: چې وروسته له هر اړخېزو څېړنو په اساسي ډول د پل په جوړېدو په مجموع کې ۳ میلیونه افغانۍ لګښت راځي او مالي ملاتړ یې هم پېښو ته د رسېدو وزارت، د ولایت مقام او د ټولګټو چارو ریاست لخوا ترسره کېږي.
