پېښو ته د رسېدو په چارو کې د دولت وزارت د مشرتابه غونډه ترسره شوه
کابل- ۱۴۴۴.۶.۱۹
پېښو ته د رسېدو په چارو کې د دولت وزارت د مشرتابه غونډه، نن د الحاج ملا محمد عباس آخند پېښو ته د رسېدو په چارو کې د دولت وزیر په مشرۍ، د الحاج مولوي عبدالرحمن زاهد، د مالي او اداري لوی رییس، رییسانو، سلاکارانو او د اړوند برخو آمرینو په ګډون ترسره شوه.
لومړۍ محترم الحاج ملا محمد عباس آخند، په هېواد کې د پېښو مدیریت په برخه کې د مرکزي او ولایتي کارکونکو له نه ستړېدونکي هلو ځلو څخه په ستاینې سره ووېل: اوس مهال د افغانستان اسلامي امارت د مشرتابه جدي پاملرنه د پېښو مدیریت ته ده، او د کړنو د لازیاتې همغږي کولو او پر همکاري یې ټینګار وکړ.
ورته مهال د بیلابیلو برخو مسوولینو، پر اطلاعاتو، مستحقینو ته د ژمني مرستو وېش، عادي او پراختیایي بودجه، د وزارت جوړښت، نوکریوالي او د وقایوي پروژو پر پلې کولو باندې خبرې وکړې.
د دې غونډې په پاۍ کې د فعالیتونو لومړیتوب او دقیق پلان جوړونه او د کاري بهیر چټکتیا، د وقایوي پروژو د پلي کولو لپاره د بودجې ترتیب، په ۱۴۴۵ کال کې د ادارې د جوړښت پراختیا او په وخت سره د اطلاعاتو پر شریکولو باندې ټینګار وشو او په دې اړه مسوولینو ته لازمې سپارښتنې وشوې.
