د IOM موسسې سره د پروان ولایت له پېښو سره د مبارزې آمادګۍ ریاست د همغږۍ غونډه ترسره شوه
کابل – د ربیع الاول ۱۹- ۱۴۴۶
له پېښو سره د مبارزې آمادګۍ ملي ادارې او د کډوالۍ نړیوال سازمان (IOM) ترمنځ د لاسلیک شوي هوکړه لیک پر بنسټ، د پروان ولایت له پېښو سره د مبارزې آمادګۍ ریاست نن یکشنبه په دې ولایت کې له یادې موسسې سره د همغږۍ غونډه ترسره کړه. د دې غونډې موخه دا وه چې د راتلونکي ژمي پر مهال د طبیعي پیښو احتمالي زیانمنو ته د رسیدنې د څرنګوالی په اړه خبرې وکړي. همدارنګه دواړو لوریو په تفصیل سره زیانمنو ته د رسیدنې په پروسه بحث وکړ او ترڅنګ یې د IOM موسسې مسؤولینو ژمنه وکړه چې په نږدې راتلونکي کې به په پروان ولایت کې د مرستو لړۍ پیل کړي.
د یادونې وړ ده چې د دې هوکړه لیک پر بنسټ، د پروان ولایت له پېښو سره د مبارزې ریاست به په زیانمنونکو سیمو کې خلکو ته د مرستو رسولو په بهیر کې مهم رول ولوبوي.
