د لغمان ولایت له پېښو سره د مبارزې آمادګۍ ریاست د وروستیو بارانونو له امله ۱۸ زیانمنو کورنیو ته خوراکي مرستې ووېشلې
د RRDPO موسسې سره له پېښو سره د مبارزې آمادګۍ ملي ادارې د هوکړه لیک له مخې، د لغمان ولایت له پېښو سره د مبارزې آمادګۍ ریاست د وروستیو بارانونو له امله ۱۸ زیانمنو کورنیو ته خوراکي مرستې ووېشلې.
یادې کورنۍ د مهترلام ښآر او الینګار ولسوالۍ اړوند دي او د کډوالۍ نړیوال سازمان (IOM) او د خوراک نړیوال سازمان(WFP) له لوري مستحقې پېژندل شوي وې او هرې کورنۍ ته ۲۰۰ کیلو اوړه، ۱۸.۵ کیلو غوړي، ۲۵ کیلو دال، ۲ کیلو مالګه، انرژي لرونکي بسکېټ او د مېندو او ماشومانو لپاره مغذي مواد ووېشل شول.
نېټه:۱۴۴۶/۶/۳
له پېښو سره د مبارزې آمادګۍ ملي اداره
