د میدان وردګ ولایت له پېښو سره د مبارزې آمادګۍ ریاست ۵۵ اجباري راستنېدونکو کورنیو ته خوراکي او غیرخوراکي مرستې ووېشلې
د میدان وردګ ولایت له پېښو سره د مبارزې آمادګۍ ریاست, یاد ولایت ته له پاکستان او ایران څخه په اجباري توګه راستنېدونکو ۵۵ کورنیو ته له سروې وروسته خوراکي او غیرخوراکي مرستې ووېشلې.
په دې لړۍ کې هرې کورنۍ ته د مسؤلینو په شتون کې ۱۰۰ کیلو غنم, د ماشومانو د البسې یو کېټ, د اوبو یو سطل, د اوبو دوه بوشکې, 4 عدده ځان پاکه, 4 کلچې صابون, د پوهاوي یو بروشر, 2 تختې کمپلې, دوه جوړه څپلکې او د خوړو د لوښو یو سیټ ووېشل شول.
ورته مهال, له پېښو سره د مبارزې آمادګۍ رئیس, مولوي فیض الله جلالي راستنېدونکو کورنیو ته ډاډ ورکړ, چې اسلامي امارت ستاسو په خدمت کې دی او له تاسو به هیڅ ډول مرستې ونه سپموي او په راتلونکې کې به ستاسو لپاره د نورو مرستو زمینه هم برابره کړو.
نېټه: ۱۴۴۶/۱۲/۰۶ هـ ق
له پېښو سره د مبارزې آمادګۍ ملي اداره
