د لغمان ولایت له پېښو سره د مبارزې آمادګۍ ریاست د کرنیزو ځمکو د خړوبولو د عمومي ویالې د پاکولو چارې پای ته ورسولې
د لغمان ولایت له پېښو سره د مبارزې آمادګۍ ریاست د یاد ولایت د ولایت مقام د حکم له مخې، د دې ولایت د مرکز اړوند د پاچا جوی په نوم د کرنیزو ځمکو د خړوبولو ویاله، چې له نور ګبري کلي څخه پیل او بیا تر چهاردهي کلي پورې رسېږي له چکړو، کثافاتو او نورو اضافي توکو له درې ورځو مسلسل کار کولو څخه وروسته پاکه کړه.
د یادونې وړ ده، چې د یادو کلیو اوسېدونکو، له اړوندو مسؤلینو څخه مننه وکړه او زیاته یې کړه، چې په دې کړنې سره به د دوی کرنیزې ځمکې له شته ننګونو څخه بچ او په آسانۍ سره به خړوبې شي.
نېټه: ۱۴۴۷/۰۱/۰۳ هـ ق
له پېښو سره د مبارزې آمادګۍ ملي اداره
