د میدان وردګ ولایت په جلریز ولسوالۍ کې ۱۲۲ ملی متر د راکټ مرمۍ کشف او خنثی کړل شوې
له پېښو سره د مبارزې آمادګۍ ملي ادارې د ماین پاکۍ د همغږۍ او انسجام ریاست، د ایریا ماین پاکۍ مؤسسې د بېړنۍ ځواب وینې ټیم 0708606060 شمېرې له لارې د ترلاسه شوي اړیکې پر بنسټ عملیاتو لپاره د میدان ورړګ ولایت د جلریز ولسوالۍ زیماني کلي ته ولېږدوو.
د دې عملیاتو په پایله کې، ۲۲ م م د راکټ مرمۍ د بیړني ځواب ویونکي ټیم له لوري کشف او خوندي ځای ته له لیږدولو وروسته له منځه یوړل شوې.
همدارنګه، د ماینونو او ناچاوده توکو د خطرونو د مخنیوي په موخه د سیمې اوسېدونکو ته د ماینونو او ناچاودو توکو د خطرونو په اړه د عامه پوهاوي پروګرام ترسره شو ترڅو په راتلونکي کې د احتمالي ګواښونو په اړه خلک معلومات ورکړي.
نېټه: ۱۴۴۷/۲/۱۱ هـ ق
له پېښو سره د مبارزې آمادګۍ ملي اداره
