د پنجشېر ولایت په عنابه ولسوالۍ کې وقایوي پروژه پرانیستل شوه
د پنجشېر ولایت له پېښو سره د مبارزې آمادګۍ ریاست، د یاد ولایت په عنابه ولسوالۍ کې د سیلابونو له ګواښونو څخه د هستوګنیزو سیمو، سړکونو او کرنیزو ځمکو د ساتنې لپاره د ۸۷ متره محافظتي دیوال د جوړېدو پروژه د (DAHW) په مالي ملاتړ او د ORDR مؤسسې په همکارۍ پرانیسته.
یاده پروژه له پېښو سره د مبارزې آمادګۍ ملي ادارې په تفاهم او همغږۍ پيل شوې، ترڅو د زیانمنتیا د کمولو او له خطر سره مخ سیمو لپاره خونديتوب برابر شي.
د پرانیستې په مراسمو کې د پنجشېر ولایت له پېښو سره د مبارزې آمادګۍ رئیس، د ولایت د اقتصاد رئیس، د عنابه ولسوالۍ محترم ولسوال او یو شمېر سیمه ییزو مشرانو شتون درلود. د مراسمو په ترڅ کې د بنسټ ډبرې په کېښودلو سره پروژه رسمآ پرانیستل شوه.
د دې دیوال پرانیسته د سیلابونو د خطرونو د کمولو، د سیمو د خوندیتوب برابرولو او د ټولنې د ظرفیت د لوړولو په برخه کې یو مهم ګام ګڼل کېږي.
نېټه: ۱۴۴۷/۰۳/۰۲ هـ ق
له پېښو سره د مبارزې آمادګۍ ملي اداره
