د لغمان ولایت له پېښو سره د مبارزې آمادګۍ ریاست ۱۲ زیانمنو کورنیو ته خوراکي او غیرخوراکي مرستې ووېشلې
د لغمان ولایت له پېښو سره د مبارزې آمادګۍ ریاست له هغو امکاناتو څخه په ګټې اخیستنې سره، چې زلزله ځپلو ته د رسېدنې له کمېسیون څخه یې ترلاسه کړې وې، د ولایت مقام د حکم پر بنسټ او د کمېټې د غړو په شتون کې ۱۲ کورنیو ته خوراکي او غیرخوراکي مرستې ووېشلې.
په دې لړۍ کې، ۵ کورنیو هرې یوې ته ۵۰ کیلو اوړه، یوه بسته خوراکي توکي، د یونیسف له مرستو څخه یوه بسته جامې، ۶ کیلو خرما، ۴ کارټن بسکېټ او یو ترپال ووېشل شو. همدا راز، ۷ نورو کورنیو هرې یوې ته سربېره پر دغو توکو، د یونیسف له مرستو څخه د پخلنځي د توکو یوه بسته هم ورکړل شوه.
د یادونې وړ ده، چې د مرستو ترلاسه کوونکو کورنیو د خوښي په څرګندولو سره د لغمان ولایت له پېښو سره د مبارزې آمادګۍ ریاست څخه قدرداني وکړه.
نېټه: ۱۴۴۷/۰۴/۲۷ هـ ق
له پېښو سره د مبارزې آمادګۍ ملي اداره
