د بلخ ولایت په مارمل ولسوالۍ کې د وروستۍ زلزلې له امله ۲۴ زیانمنو کورنیو ته خوراکي او غیرخوراکي مرستې ووېشل شوې
د بلخ ولایت له پېښو سره د مبارزې آمادګۍ ریاست د PGGO موسسې په همکارۍ، د یاد ولایت په مارمل ولسوالۍ کې د وروستۍ زلزلې له امله ۲۴ زیانمنو کورنیو ته له سروې وروسته خوراکي او غیرخوراکي مرستې ووېشلې.
په دې لړۍ کې هرې کورنۍ ته د سیمه ییزو مسؤلینو په شتون کې ۱۰ کیلو وریجې، یو پاکټ ۵ کیلویي مکروني، ۶ کلچې د جامو منځلو صابون، یو درجن اورلګيد، یوه بسته آیوډین داره مالګه، نیم من لوبیا، نیم کیلو وچ چای، ۵ لیټره غوړي او یوه تخته دوه کسیزه کمپله ووېشل شوه.
نېټه: ۱۴۴۷/۰۵/۲۱ هــ ق
له پېښو سره د مبارزې آمادګۍ ملي اداره
