د میدان وردګ ولایت له پېښو سره د مبارزې آمادګۍ ریاست د کار په بدل کې ١٠٠ تنه سیمه ییزو کارګرانو ته خوراکي او غیرخوراکي توکي ووېشل
د میدان وردګ ولایت له پېښو سره د مبارزې آمادګۍ ریاست، په جلریز ولسوالۍ کې هغو ۱۰۰ تنه سیمه ییزو کارګرانو ته خوراکي او غیرخوراکي توکي ووېشل، چې د تېرو سېلابونو له امله د ولسوالۍ د ویجاړ شوي عمومي سړک د ترمیم او جوړولو په برخه کې یې د ۱۰ ورځو لپاره کار ترسره کړی و.
په دې لړۍ کې هر کارګر ته ۵۰ کیلو اوړه، ۵۰ کیلو بوره، ۱ کیلو تورچای، دوه جلده د یونیسف سازمان بروشرونه او د یونیسف ۲۸ پاکټه کلورین ووېشل شول.
د وېش پر مهال د میدان وردګ ولایت له پېښو سره د مبارزې آمادګۍ ریاست رئیس، مولوي فیض الله جلالي وویل، موږ تل هڅه کوو چې په دې ډول پروژو کې د سیمې د اوسېدونکو د اقتصاد د پیاوړې کېدو لپاره د سیمې خلک په کار وګماروو او هڅه کوو چې په راتلونکې د دې ډول نورو پروژو ترسره کولو زمینه هم برابره کړو.
نېټه: ۱۴۴۷/۰۵/۲۱ هــ ق
له پېښو سره د مبارزې آمادګۍ ملي اداره
