د ننګرهار ولایت له پیښو سره د مبارزې آمادګۍ ریاست د وروستۍ زلزلې له امله ۶۶ زیانمنو کورنیو ته نغدې مرستې ووېشلې
له پېښو سره د مبارزې آمادګۍ ملي ادارې او د ماشومانو د ملاتړ موسسې(Save the Children) ترمنځ د لاسلیک شوي هوکړهلیک له مخې، د ننګرهار ولایت له پېښو سره د مبارزې آمادګۍ ریاست د یادې مؤسسې په مالي همکارۍ، د دې ولایت د دره نور ولسوالۍ په کندک کلي کې د وروستۍ زلزلې له امله ۶۶ زیانمنو کورنیو ته له سروې وروسته نغدې مرستې ووېشلې.
د مرستو په دې وېش کې د مسولینو په شتون کې هرې مستحقې کورنۍ ته ۹,۸۰۰ افغانۍ ووېشل شوې، چې ټولټال شپږ سوه شپږ څلوېښت زره او اته سوه (۶۴۶,۸۰۰) افغانۍ د یادو کورنیو لپاره ځانګړې شوې وې.
مرسته اخیستونکو کورنیو د مرستو د وېش په پار له پېښو سره د مبارزې آمادګۍ ریاست او د Save the Children موسسې څخه مننه او قدرداني وکړه
نېټه: ۱۴۴۷/۵/۲۴ هـ ق
له پېښو سره د مبارزې آمادګۍ ملي اداره
