د ننګرهار پېښو پر وړاندې د چمتوالي ادارې له لورې د شینوارو پېښې د شپيتو قربانیانو کورنیو سره د خوراکي او غیر خوراکي توکو مرسته ترسره شوه
د ننګرهار والي ضیاالحق امرخېل په لارښوونه د شینوارو ولسوالۍ د وروستۍ پېښې د شپیتو قربانیانو کورنیو سره د خوراکي او غیر خوراکي توکو مرسته ترسره شوه چې هرې کورنۍ ته ۱۰۰ کیلو وریجې، ۲۰ کیلو بوره،۲۰ کیلو لوبیا، ۲۰ کیلو غوړي، ۲ کیلو چای او ۲۰ کلچې صابون ورکړل شو، همدا راز به ډېر ژر د مرکز له لورې ورسره نغدي مرستې هم ترسره شي.
همدا راز د پېښو پر وړاندې د چمتوالې ادارې په همغږۍ په مرکز جلال اباد ښار کې د WFP ادارې له لورې د طبعي پېښو پر مهال پنځه زیانمن شویو کورنیو سره د خوراکي توکو مرسته وکړه چې هرې کورنۍ ته ۱۸۴ کیلو وړه، پنځه ویشت کیلو دال، اتلس کیلو غوړي او دوه کیلو مالګه ورکړل شوه.
