له پېښو سره د مبارزې آمادګۍ ملي ادارې د سرپرست په مشرۍ د څارني او ارزوني ګډ هیئت د کابل ولایت له پېښو سره د مبارزې آمادګۍ ریاست څخه کتنه وکړه.

نن ورځ چهارشنبه له پېښو سره د مبارزې آمادګۍ ملي ادارې د سرپرست الحاج ملا نورالدین ترابي  په مشرۍ  چي مرکزي رئیسانو  یی  ملتیا کوله  د څارني او ارزوني، د کارونو د لا شفافیت او پرمتخګ په موخه د کابل ولایت له پېښو سره د مبارزې آمادګۍ ریاست څخه کتنه وکړه. 
ترابي صاحب وویل چي دا څارنه او ارزونه چي نن د کابل ولایت د ریاست څخه پیل سوه و به وکولای سو چي د مرکزي او ولایتي ریاستونو په کارونو کي پوره شفافیت، پرمختګ او چټکتیا راولو او ټول کارمندان  به د خپلو لایحو او کاري پلانونو مطابق کارو ته متوجې کړو تر څو  اولس ته غوره او پر وخت خدمتونه وکړي.
همدا راز ترابي صاحب زیاته کړه چي دا هئیت مو د ډیرو اداري مجلسونو او مشورو ورسته جوړ کړی دی او لمړۍ مو د مرکزي ریاستونو او کارمندانو څخه څارنه او ارزونه کړي ده او نن ورځ مو عملاً د کابل ولایت د ریاست څخه پیل کړه چي دا څارنه او ارزونه به د ۳۴ ولایتي ریاستونو څخه وسي چي هر زون ته به د دیادي ادارې د سرپرست، معاون او یا هم مرکزي رئیس په مشرۍ یو ګډ هئیت ولیږل سي تر څو د یادو ریاستونو څخه کتنه او ارزونه وکړي. 
ورسته ګډ هیئت د ټولو شعاباتو، کارونو، دوسیو، ګدامونو او اسنادو څخه څارنه وکړه او د ټولو کارمندانو څخه یې د دندو د لایحو او کاري پلان پوښتنه وکړه او ټولو ته یې سپارښتنه وکړه چي خپل کارونه پر وخت خلاص کړي او هغه اسنادونه د ځان سره وساتي چي دیادي ادارې څخه ورته راځي.

نیټه: ۱۴۴۶/۸/۶ هــ ق 
له پېښو سره د مبارزې آمادګۍ ملي اداره