په میدان وردګ ولایت کې ۱۹۵ سیلاب ځپلو کورنیو سره نغدي، خوراکي او غیر خوراکي توکو مرسته وشوه
میدان وردګ- د وږي ۲مه-۱۴۰۱
د DRC, DACAAR, IOM او WFP موسسو د میدان وردګ ولایت پېښو سره د مبارزې ریاست سره په همغږي، د یاد ولایت په سیدآباد ولسوالۍ کې ۱۹۵ زیانمن شویو کورنیو ته چې د وروستیو سیلابونو له امله زیانمنې شوي وې، له سروې وروسته هرې کورنۍ ته د DACAAR موسسې لخوا یو روغتیایي کېټ، د IOM له لوري د البسې، پخلنځي او ژمني توکو کېټونو، خیمو او دغه راز د WFP لخوا د ۲۰۰ کیلوګرامه اوړه، ۲۵ کیلو ګرامه دال، ۲۰ لیتره غوړي او د ماشومانو لپاره د خوار ځواکۍ مواد ورکړل شول.
