د لوګر ولایت په خوشي ولسوالۍ کې د وروستۍ پیښې شهیدانو وارثونو سره مرسته وشوه
مطیع الله صافي پیښو ته د رسیدو په چارو کې د دولت وزارت مالي او اداري مرستیال د افغانستان اسلامي جمهوریت جلالتمآب جمهور رئیس د لارښوونې پر بنسټ، د لوګر ولایت په خوشي ولسوالۍ کې د وروستیو پیښو له امله د کډوالو کمپ د شهیدانو کورنیو ته د رسیدو او خواخوږۍ لپاره یادې ولسوالۍ ته ولاړ.
ښاغلې صافي او ورسره دولتي پلاو یې د شهیدانو کورنیو سره د خواخوږي او په دعا کولو سره سره د افغانستان اسلامي جمهوریت جلالتمآب جمهور رئیس او پیښو ته د رسیدو په چارو کې د دولت وزیر د خواخوږي پیغام په بیانولو سره د هر شهید کورنۍ ته 50 زره افغانۍ او خوراکې او غیر خوراکې توکې وویشل.
همدارنګه پیښو ته د رسیدو په چارو کې د دولت وزارت مالې او اداري مرستیال زموږ د یو وطنوال چي د هوا د سړتیا له امله شهید شوی وو هغه د جنازې په مراسمو کې ګډون وکړ او د شهید کورنۍ سره یی د نغدي او غیر نغدي مرسته هم وکړه او د لوګر ولایت د خوشي ولسوالۍ د کډوالو کمپ لومړني او اساسي اړتیاوې او ستونزې له نږدې وارزولې او ژمنه یې وکړه چې مرکز ته یی د بیرته راستنیدو پر مهال به موضوع له سکټوري ادارو سره شریک کړي ترڅو ستونزو ته رسیدنه وشې.
