د کندهار ولایت له پېښو سره د مبارزې آمادګۍ ریاست ٧ زیانمنو کورنیو ته خوراکي او غیر خوراکي مرستې ووېشلې
د کندهار ولایت له پېښو سره د مبارزې آمادګۍ ریاست، د دې ولایت ٧ کورنیو ته نن ورځ چې سروې یې مخکې ترسره شوې وه، خوراکي او غیرخوراکي مرستې ووېشلې.
په دې لړۍ کې له پېښو سره د مبارزې آمادګۍ ریاست او د کډوالو چارو ریاست د استازو په شتون کې هرې کورنۍ ته ١٠٠ کیلو ګرامه اوړه، ٢٥ کیلو ګرامه وریجې، ٢ جوړه چپلکې، ١ بوشکه ٥ لېتره غوړي، ٦ کمپلې او ٥ ژمنۍ البسې ووېشل شوې.
د یادونې وړ ده، چې له زیانمنو کورنیو څخه یې ٥ کورنۍ د اورلګېدو له امله زیانمنې شوې وې او ٢ نورې کورنۍ د شهیدانو له کورنیو څخه وې.
نېټه۱۴۴۶/۶/۲۳
له پېښو سره د مبارزې آمادګۍ ملي اداره
