د کابل ولایت له پېښو سره د مبارزې آمادګۍ ریاست ١٧٠ زیانمنو کورنیو ته نغدي مرستې ووېشلې
د کابل ولایت له پېښو سره د مبارزې آمادګۍ ریاست د IRC موسسې په مالي ملاتړ، د دې ولایت په ٣ او ٤ ناحیه کې ١٧٠ زیانمنو کورنیو ته چې سروې یې مخکې ترسره شوې وه، یادو کورنیو ته د خوراکي توکو او د ژمنیو جامو برابرولو لپاره نغدي مرستې ووېشلې.
په دې لړۍ کې هرې کورنۍ ته ۲۷۰۰ افغانۍ ووېشل شوې او دا مرستې له پېښو سره د مبارزې آمادګۍ ملي ادارې او د یادې موسسې تر منځ د یو هوکړه لیک له مخې تر سره شوې او د دې هوکړه لیک له مخې به یادو کورنیو ته ٣٢٠ امریکايي ډالر او یاهم د هغه معادل افغانۍ په ٨ پړاوونو کې ووېشل شي.
ورته مهال د مرستو ترلاسه کوونکو له یاد ریاست او موسسې څخه مننه وکړه او د اسلامي نظام د بقا لپاره یې دعا وکړه.
نېټه:۱۴۴۶/۶/۲۴
له پېښو سره د مبارزې آمادګۍ ملي اداره
