د لغمان ولایت له پېښو سره د مبارزې آمادګۍ ریاست د کابل–جلالاباد پر لویه لاره د غرونو د ښوېېدو له خطر سره په مخ سیمو کې د خبرداري لوحې نصب کړې
له پېښو سره د مبارزې آمادګۍ ملي ادارې د لوی رئیس، محترم الحاج ملا نورالدین ترابي د لارښوونې پر بنسټ، د لغمان ولایت له پېښو سره د مبارزې آمادګۍ ریاست د کابل–جلالاباد پر لویه لاره د غرونو د ښوېېدو د خطر خبرداري لوحې په هغو سیمو کې ولګولې چې د دې پېښې له خطر سره مخ دي.
د لغمان ولایت له پېښو سره د مبارزې آمادګۍ رئیس، محترم قاري خیرمحمد غازي، له یوه تخنیکي ټیم سره د قرغیو ولسوالۍ په درونته سیمه کې په هغو نقطو کې د خبرداري ورکولو لوحې ولګولې چې د غر ښوېېدو له خطر سره مخ دي.
د دې لوحو لګول د مسافرو سره مرسته کوي څو د خطرناکو سیمو له دقیق ځای څخه خبر شي او په دې ځایونو کې د نه درېدو په اړه هغوی ته خبرداری ورکوي. دا اقدام کولای شي د احتمالي تلفاتو په مخنیوي کې مهم رول ولوبوي.
نېټه: ۱۴۴۷/۰۶/۰۴ ه ق
له پېښو سره د مبارزې آمادګۍ ملي اداره
