د بلخ ولایت په مزار شریف ښار کې د ټانک یوه مرمۍ کشف او خنثی شوه
د ډافا ماین پاکۍ موسسې د بلخ ولایت له پېښو سره د مبارزې آمادګۍ ریاست سره په همغږۍ د سیمې د اوسېدونکو د اړیکې پر بنسټ د یاد ولایت د مرکز مزار شریف ښار په نهمې ناحیې په سیمه کې د ماین پاکۍ عملیاتو په ترڅ کې ۱۲۰ میلي متره د ټانک یوه مرمۍ کشف او په خوندي ډول له منځه یووړه.
له پېښو سره د مبارزې آمادګۍ ریاست مسؤلینو د سیمې له اوسېدونکو وغوښتل، چې د هر ډول ناچاوده او شکمنو توکو د لیدو په صورت کې له دې ریاست سره اړیکه ونیسي ترڅو د خلکو د ځان او مال د ساتنې لپاره پر وخت اړین اقدامات ترسره شي.
نېټه:۱۴۴۷/۹/۱۴ هـ ق
له پېښو سره د مبارزې آمادګۍ ملي اداره
