د بلخ ولایت له پېښو سره د مبارزې آمادګۍ ریاست ۶۳۴ مستحقو کورنیو ته خوراکي او غیرخوراکي مرستې ووېشلې
د بلخ ولایت له پېښو سره د مبارزې آمادګۍ ریاست له خپلو شته امکاناتو څخه په ګټې اخیستنې او د واک موسسې په ملاتړ، د دې ولایت د مزار شریف ښار او بېلابېلو ولسوالیو اړوند ۶۳۴ مستحقو کورنیو ته، تر سروې وروسته خوراکي او غیرخوراکي مرستې ووېشلې.
په دې بهیر کې هرې کورنۍ ته د مسؤلینو په شتون کې، له پېښو سره د مبارزې آمادګۍ ریاست له لوري، ۲۴۲ کورنیو هرې یوې ته ۲ بورۍ ۵۰ کیلویي غنم، ۲ کورنیو هرې یوې ته ۳ بورۍ ۵۰ کیلویي غنم او د واک موسسې له لوري ۳۹۰ کورنیو هرې یوې ته ۱۷ قلمه توکي لرونکی د حفظ الصحې ۱ کېټ ووېشل شو.
نېټه:۱۴۴۷/۱۲/۰۱ هـ ق
له پېښو سره د مبارزې آمادګۍ اداره
