د بغلان ولایت له پېښو سره د مبارزې آمادګۍ ریاست د پلخمري ښار په مرکز کې د ۶ چکډیمونو جوړولو د پروژې کار پیل کړ
له پېښو سره د مبارزې آمادګۍ ادارې او د استوګنې لپاره د آغاخان(AKAH) موسسې ترمنځ د لاسلیک شوي هوکړه لیک له مخې، چې مالي ملاتړ یې د آغاخان پرمختیایي شبکې (AKDN) له خوا کېږي، د بغلان ولایت له پېښو سره د مبارزې آمادګۍ ریاست د یادې موسسې په همکارۍ، د پلخمري ښار د لومړۍ ناحیې د سیند چپې غاړې په سیمه کې د ۶ باب چکډیمونو جوړولو د پروژې کار پیل کړ.
د دغې پروژې د پرانیستې مراسم د بغلان ولایت له پېښو سره د مبارزې آمادګۍ ریاست د استازي، د اقتصاد ریاست د استازي، د ګذر وکیل، قومي مشرانو، ځوانانو او د سیمې د یو شمېر اوسېدونکو په شتون کې ترسره شول.
دغه پروژه د پنځلس لکه (۱٬۵۰۰٬۰۰۰) افغانیو په لګښت پلې کېږي، چې په بشپړېدو سره به یې د سېلابونو شدت کم شي او شاوخوا له ۲٬۰۰۰ څخه تر ۲٬۵۰۰ کورنۍ، کرنیزې ځمکې، سړکونه او نور عامه تأسیسات د سېلابونو له امله له ویجاړېدو خوندي شي.
د سیمې اوسېدونکو د بغلان ولایت له پېښو سره د مبارزې آمادګۍ ریاست او AKAH له خدمتونو څخه مننه او قدرداني وکړه او هیله یې څرګنده کړه چې ورته وقایوي پروژې دې د ولایت په نورو له خطر سره مخ سیمو کې هم پلې شي.
د بغلان ولایت له پېښو سره د مبارزې آمادګۍ ریاست ټینګار کوي چې د قدرتي پېښو د خطرونو د کمولو، د ټولنو د خوندیتوب د کچې د لوړولو او د زیانمنو سیمو د ساتنې په موخه به د همکارو مؤسسو په همکارۍ ورته وقایوي او پراختیایي پروژې دوام ولري.
