د بامیان ولایت له پېښو سره د مبارزې آمادګۍ ریاست ٣١٥ زیانمنو کورنیو ته نغدي مرستې ووېشلې
د بامیان ولایت له پېښو سره د مبارزې آمادګۍ ریاست د آقا خان موسسې په مالي ملاتړ، ٣١٥ زیانمنو او مستحقو کورنیو ته د یاد ولایت د یکاولنګ ٢ ولسوالۍ په ١١ کلیو کې نغدي مرستې ووېشلې.
په دې لړۍ کې، هرې کورنۍ ٨,٧٩٠ افغانۍ ترلاسه کړې، چې په مجموع کې ٢،٧٦٨،٨٥٠ (٢ میلیونه، ٧٦٨ زره او ٨٥٠) افغانۍ یادو کورنیو ته ورسېدې.
د یادونې وړ ده، چې دا مرستې له پېښو سره د مبارزې آمادګۍ ملي ادارې او AKAH موسسې ترمنځ د هوکړه لیک له مخې، له سروې وروسته ترسره شوې.
د یادونې ده، چې له دې وړاندې هم یادو کورنیو ته خوراکي مرستې وېشل شوې وې.
نېټه: ١٤٤٦/٧/۵
له پېښو سره د مبارزې آمادګۍ ملي اداره
