د ننګرهار ولایت له پیښو سره د مبارزې آمادګۍ ریاست ۲۰۱ زلزله ځپلو او مستحقو کورنیو ته غیر خوراکي توکي، چرګان او د هغه خوراکه مواد ووېشل

د اکټیډ (ACTED) او د VDT له موسسو سره له پېښو سره د مبارزې آمادګۍ ملي ادارې د لاسلیک شويو هوکړه لیکونو له مخې، د ننګرهار ولایت له پېښو سره د مبارزې آمادګۍ ریاست د یادو موسسو په ملاتړ، د دې ولایت په دره نور ولسوالۍ کې د وروستۍ زلزلې له امله ۱۵۵ زیانمنو کورنیو ته غیرخوراکي توکي او ۴۶ مستحقو کورنیو ته چرګان او د چرګانو لپاره خوراکه مواد ووېشل. 

د مرستو په دې لړۍ کې د ACTED موسسې له لوري ۱۵۵ کورنیو هرې یوې ته ۱ تخته دوه کسیزه کمپله، ۴ تختې یو کسیزه کمپلې، ۸ عدده د ماشومانو زیرپیراهنی، ۲ عدده نارینه پټو، ۲ عدد ښځینه ِټکري، یو جوړ نارینه بوټان، یو جوړ زنانه بوټان، ۶ جوړې د ماشومانو بوټان، ۴ جوړې نارینه جرابې، ۴ جوړې ښځینه جرابې، ۸ جوړی د ماشومانو جرابې، ۲ جوړې نارینه دستکشونه، ۲ جوړې ښځینه دستکشونه، ۲ عدده د هلکانو خولۍ، ۲ عدد جینکو خولۍ ووېشل شوې، او همدارنګه د VDT موسسې له لوري ۴۶ کورنیو هرې یوې ته ۱۰ چرګان، چې پکې ۸ چرګې او ۲ نران چرګان شامل وو، ووېشل شول او یادو کورنیو ته د هر چرګ لپاره ۲ کیلو خوراکه مواد هم ورکړل شول.

د مرستو‌ اخیستونکو کورنیو له پیښو سره د مبارزې آمادګۍ ریاست او له یادو موسسو څخه د یادو مرستو په پار مننه وکړه او د دې ډول مرستو د دوام غوښتنه یې وکړه.

نېټه: ۱۴۴۷/۷/۱۶ هـ ق

له پېښو سره د مبارزې آمادګۍ ملي اداره