د کابل ولایت له پېښو سره د مبارزې آمادګۍ ریاست د درنې واورې له امله د کابل ښار د ۱۹مې ناحیې او د پغمان ولسوالۍ تړل شوی عومي سړک بېرته پرانیستل شو
له پېښو سره د مبارزې آمادګۍ ملي ادارې د لوی رئیس، محترم الحاج ملا نورالدین په لارښوونه، د کابل ولایت له پېښو سره د مبارزې آمادګۍ ریاست تېره ورځ، د درنې واورې د ورښت له امله د کابل ښار ۱۹مې ناحیې او د پغمان ولسوالۍ تړل شوی عمومي سړک د تګ راتګ پرمخ بېرته پرانیستل شو.
د پغمان ولسوالۍ د ارغندې له چوک څخه د بره ارغندې د کټه خېلو تر کلي پورې ۱۵ کیلو متره سړک د اسکواټور په واسطه پاک شوی چې په پایله کې یې د ۴۶ کیلو د خلکو او د موټرو د تګ راتګ پر مخ سړک پرانیستل شوی دی. همدارنګه، د کابل ښار ۱۹مې ناحیې اړوند ۱۳ او ۱۴م ګذر کې هم د لویې لارې د پاکولو کارونه پیل شوي، د دې ترڅنګ یاد ریاست په ده سبز ولسوالۍ کې د ځینو کلیو لارې هم د ټراکټور په واسطه پاکې شوې دي.
د یاد ریاست هڅې د خلکو د ستونزو کمولو او عادي ژوند ته د بېرته ستنېدو په موخه روانې دي.
نیټه: ۱۴۴۷/۰۸/۰۵ هـ ق
له پېښو سره د مبارزې آمادګۍ ملي اداره
